الرز المعمر الخفيف

الرز المعمر من أنواع الرز طيبة المذاق ... والطريقة دي طريقة خفيفة لتناوله .
ورز النهاردة عملاه بمرقة الدجاج ، وعلشان نعمل مرقة الدجاج نسلق الفرخة في ماء مغلي متبل بالبصل والحبهان وعيدان القرفة والقرنفل وورق الغار وكمان الفلفل الأسود ، وبعد كده نصفي المرقة ونستخدمها .

المقادير :

1/2 1 كوب رز
1/4 1 كوب مرقة دجاج
1 كوب كريمة
2 حبة حبهان
1/2 1 ملعقة ممسوحة ملح
رشة فلفل أسود
1 ملعقة كبيرة سمن بلدي

الطريقة :

• قبل ما أعمل الرز لازم أكون خلصت سلق الدجاجة وتكون المرقة عندي جاهزة .
• وكمان يكون الفرن ساخن .
• بعد كده أضع قدر صغير على النار وتحته صاجة ، وأضع به مرقة الدجاج + كوب الكريمة + 2 حبة حبهان + الملح + الفلفل الأسود ( بعمل كده علشان الكريمة بأكون مطلعاها من الثلاجة وبحب أسخنها قبل ما أضعها على الرز وعموما الخطوة دي ما بتاخدش وقت ).

http://3.bp.blogspot.com/-Hx8qgetgw0...85%D8%B1+1.gif

• ولما تسخن المرقة مع الكريمة أغلق النار وأضيف ملعقة السمنة وأخليها تسيح بفعل حرارة المرقة ( أظن إنكم لاحظتم إنني بأفضل عادة الطبخ بزيت الذرة لكن في الوصفة دي لازم السمن البلدي علشان نستطعم مذاقها المميز ) .

http://3.bp.blogspot.com/-MgherkxVUB...5D8%25B1+2.gif

• أغسل الرز بالماء جيدا عدة مرات وأصفيه ثم أضعه في طبق الفرن ( بدون نقع ) ، وأضع فوقه خليط مرقة الدجاج بالكريمة .

http://4.bp.blogspot.com/-kazURsh0qG...5D8%25B1+3.gif


http://2.bp.blogspot.com/-5_8FU1vqSY...5D8%25B1+4.gif

• أغطيه بورق ألمونيوم ، وأضعه في الفرن على الرف الأوسط بدرجة حرارة 240 ْم حوالي 35 - 40 دقيقة .

http://4.bp.blogspot.com/-avQA5n8x1t...5D8%25B1+5.gif

• هو المفروض يتعمل كده ، لكن اللي حصل إني بعد ما غطيته بالألمونيوم جيت علشان أدخله الفرن لقيت الفرن مطفي ، حاولت أشغله تاني مش عايز يشتغل خالص ، قلت الحمد لله على كل حال ، طيب أنا حأعمل إيه دلوقت ؟ مفيش غير إني أعمل الرزعلى البوتاجاز من فوق ، بس دي كانت أول مرة أعمل الرز المعمر على عيون الغاز مش في الفرن ، ولعله خير أديني اتعلمت حاجة جديدة وهي إني لو كنت عايزة أعمل الرز المعمر بالطريقة دي ممكن أعمله فوق البوتاجاز .
• المهم الرز طلع رائع ، شوفوا ماشاء الله حباية الرز حلوة إزاي ومش معجنة وفي نفس الوقت مذاقها كريمي .

http://1.bp.blogspot.com/-FvyAUfArkq...5D8%25B1+7.gif


http://1.bp.blogspot.com/-Uaxdm_SFNC...5D8%25B1+8.gif

وبالهناء والشفاء ،،،

شكرررررررررررررررررا